MAJAMBAZI YAVUNJA NYUMBA NA KUJERUHI MTAA WA KIHESA,IRINGA

   Ndugu Joel Balama katika picha aliyevunjika mguu baada ya wezi kuvamia katika nyumba yao wanayoishi

Vibaka wanne wamevamia nyumba ya bwana Edward Balama usiku wa kuamkia leo hapa Iringa mjini mtaa namba 3 Kihesa nakufanikiwa kuiba

kreti 3 za bia,kreti 3 za soda,baiskeli na heater na kumjeruhi kwa kumvunja mguu bwana Joel Balama ambaye alipelekwa hospitali ya Rufaa Iringa kwa matibabu na kuruhusiwa.Mpaka sasa Jeshi la Polisi linawashikilia watu wa tatu wanaotuhumiwa kuhusika na tukio hili ni Daudi Mofuga,Ally Kayanda na mwingine amefahamika kwa jina moja mzee maeda na mwingine Isaya Mwengu bado anatafutwa na Jeshi la polisi.

Niliweza kukutana na mwenyekiti wa mtaa wa namba tatu ndugu Nuhu Omari alinithibitishia kutokea kwa tukio hili katika mtaa wake."Ni kweli hili tukio limetokea mtaani kwangu wezi wamevunja  na kuiba vitu mbalimbali katika nyumba ya ndugu Edward Balama usiku wa kuamkia leo vitu livyoibiwa ni kreti 3 za bia,kreti 3 za soda,baiskeli na heater na wamemvunja mguu wa kulia ndugu Joel Balama vitu vimepatikana watuhumiwa watatu wamekamatwa na wananchi kwa sasa wanashikiliwa na jeshi la polisi na mwingine mmoja bado anatafutwa"

Pia aliweza kuniambia haya matukio ya wizi  yanatokea mara kwa mara mtaani kwake amekua akilipoti kwa Vyombo husika wahusika wanakamatwa lakini huwa wanaachiwa huru.Anaomba chombo husika kuweza kuwachukulia hatua kali wahusika wa matukio ya wizi mtaani kwake  badala ya kuwakamata na kuwaachia huru na kuendelea kuiba.